今仔日是十二月十四，禮拜六。我佇葛雷多摸非。 太太佮囡仔已經去日本幾若工矣。按算今仔日下晡就欲轉來台灣矣。 我原本想欲利用這幾工寫一寡物件，結果嘛是因為貧惰，一點仔進展攏無。 昨昏12/13(五)下晡下班，斡過新厝坐一下，順紲佇附近買四神湯佮米糕轉來。 ...《看全文》

今仔日是十二月初八，禮拜日。我佇葛雷多摸非。 昨昏是公司周年慶運動會。我透早摸非了先轉去煮咖啡。太太嘛做法國吐司予我做早頓。 我上班到公司，毋管典禮偌鬧熱，先共產品資料拍好上網。 無偌久九點半矣，我就去會場，愛做評審檢錄。 頭一擺袂曉做，佳哉攏高組長佇 ...《看全文》

今仔日是十二月初七，禮拜六。我佇露易莎摸非。 今仔日愛上班。公司舉辦運動會。我愛做裁判。 落昨日半暝仔嚨喉咧疼，落去樓跤漉鹽水，有減輕嘛無較好。 隔日同事攏真驚，叫我愛掛喙罨。 有可能是食老肺管較荏，抑是因為食薰的關係？ 前暗夢著我的倒手底咧腫疼，結 ...《看全文》

今仔日是十二月初四，禮拜三。我走來新厝摸非。 十一月底，頂禮拜六，我佮太太囡仔先坐四點外中的火車到中壢。 佇頂擺彼間自動旅社過暝。 隔日禮拜，才坐火車到台北車頭換捷運，轉車班到師大。 北部無所想的遐冷，我佮太太攏穿大領外套，有影草地倯。 佇樓跤食飯了 ...《看全文》

今仔日是十一月二九，禮拜六。我佇葛雷多摸非。 今仔日欲去桃園，明仔載中晝台北領獎， 這禮拜二下晡開始徛門口，攏愛較早上班。攏愛麻煩太太取囡仔去學校。 這兩工較冷，囡仔昨暝發燒，予伊食一包頂擺的藥仔，就有較退、較好睏。 昨昏閣袂記紮手機仔矣，拜三也是 ...《看全文》

今仔日是十一月二四，禮拜日。我佇葛雷多摸非。 昨昏來遮摸非，轉去新厝了，食早頓閣款一下，就在阿爸阿母太太囡仔去享溫馨。 阿爸行路愈來愈慢，佳哉有太太幫忙鬥扶。我以為地下室無停車位，所以停到較遠的建國路上。 佇九樓食飯，一塊桌八千箍加一成服務費。囡仔想欲唱 ...《看全文》