2021.11.21-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,546,371 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2011.11.20 《前一篇

後一篇》 2021.11.24

回應

給他日記貼紙

給他愛的鼓勵

檢舉

篇名: 2021.11.21
作者: C	日期: 2021.11.21　　天氣: 　心情:

今仔日是十一月二十一日，禮拜日。我佇羅伯摸非。
早起洗喙時，才想著，會害。我應該愛緊提早準備一月愛用的資料，

昨暝，囡仔愛睏毋甘睏，太太陪伊耍甲欲變面，真辛苦。
囡仔竟然會用糟塌、傷害家己，予家己痛的方式來表達心情。
我就陪囡仔入去蠓罩內，講著較早細漢露營時的代誌，想欲轉移伊的想法。
講著弓布篷厝愛掖石灰防蛇、講著暗時覔佇布篷厝內底奕牌仔，獎恐怖的故事。
因為囡仔才五歲，我就講：古早有一個囡仔，真愛看電視，看甲攏毋知人，
結果....恐怖的代誌出現囉，一個烏影出來，發出真恐怖的聲：毋是叫你莫看電視？我一巴掌下去喔....
原來是阿母來矣.....唉唷，實在真恐怖。
解果囡仔笑甲真歡喜，一直叫我閤講閤講。
我閤講：古早有一位查甫人，伊足愛食薰燒燒火，伊定定覔佇便所，那燒燒火，那耍手機仔，
結果，真恐怖的代誌發生囉。
雄雄聽著真恐怖的聲：爸比，你佇佗位？你咧燒燒火喔，來陪我玩.....
哇~真恐怖啦。

囡仔聽著了又笑甲真歡喜，一直問：真的嗎真的嗎？
閤講閤講....
哇~這才是上恐怖的代誌啦。

標籤:

瀏覽次數:176 人氣指數:576 累積鼓勵:20

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：