2021.12.29-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,546,371 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.12.26 《前一篇

後一篇》 2021.12.31

回應

給他日記貼紙

給他愛的鼓勵

檢舉

篇名: 2021.12.29
作者: C	日期: 2021.12.29　　天氣: 　心情:

今仔日是十二月二九，禮拜三，我佇彩巴摸非。
我拄才共檢驗單拍了，下晡送印。
前幾日失覺察，毋細膩拍幾仔个錯誤，結果就愛隨个解說，真費氣。
昨昏早起，路口徛煞，翕團體相，唉，毋知閣會當翕幾擺，
每翕一擺攏是一款紀錄。何必掩掩揜揜的形？

頂禮拜日取囡仔佮太太講欲坐火車，頂擺無坐到紅斑馬，這擺一定愛坐到。
所以透早先訂167自強號。冗早去等。
真正予阮坐著。囡仔誠歡喜。
聽講紅斑馬明年就欲停駛，
一路向南，內裝真正無較闊，阮坐到上尾站潮州。
問服務人員講，上鬧熱佇圓環，伊報一條路較緊，行六合路。
先去看日本式的厝，囡仔未曉欣賞，一直踢石仔，去予服務員喝。
中晝食粿仔，太太佮共囡仔買番麥。買一甌酪梨牛奶公家。
結果囡仔上愛也是佇公園耍。
回程提早，本來欲坐莒光號，結果換票補錢坐普悠瑪。

轉來時，阿爸招我去畫廊揣學生。
雖然真悿，嘛是開車載伊去。
伊學生是一個中年查某人，位歐洲轉來，經營畫廊。
嘛真骨力欲幫助較早的同學賣圖發展。
我心內煞有一種驚喜，這敢毋是我前幾日咧想的。

但是離開這途，退出江湖這久矣，武功早就拋荒。
伊講愛有想法，毋通像台灣這馬攏local
著矣，以早學生時代，老師就是教愛有想法，畫媠其次。
結果講真久。較欲兩點外鐘

畫媠是基本功，是一定愛的。這是基本技術。
圖愛有意思，意涵佮意境，
有意思較實在，意涵較會予人想，意境較歹講。
親像寫詩共款，
我知影我毋是詩人的料，袂曉意境，
欲講理，諍袂過別人，想欲講較清楚，閣會歪對捌位去。
頭殼內的想法，無法度真準確表達。
抑是冊讀無夠遐，袂曉講。

所以自細漢就愛訓練精確的表達，
無論語言抑是寫作、畫圖。
譬如行一步棋，愛會曉講出因為對方的意圖，所以咱愛按怎應對。
咱行這步是因為啥物目的，會當阻斷對方的拍算。

所以，若想欲重出江湖，用色、素描、水分控制，就是咧徛馬步、拍拳頭，練喘氣內功。
取景布局就是招勢步數。
江湖一點訣，講破誠無值，佛曰不可說，去做就著矣。

標籤:

瀏覽次數:182 人氣指數:182 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：