2022.1.30-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,546,547 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.1.29 《前一篇

後一篇》 2022.2.5

回應

給他日記貼紙

給他愛的鼓勵

檢舉

篇名: 2022.1.30
作者: C	日期: 2022.01.30　　天氣: 　心情:

今仔日是一月三十，禮拜日，我佇羅伯摸非。
昨昏摸非轉去，順紲買711咖啡，後準猶有買一送一，結果活動已經結束。
就買一个麵包，會當買特大杯送特大杯，真正夭壽大喔。
我先寄一杯，閣去邊仔五金行買薰一包。
囝仔已經起床。太太咧共伊唸故事
囝仔提我的肉鬆麵包食，我就食伊的三明治
我共囡仔閣耍一下仔，太太講欲取囡仔去看醫生，伊一直嗽。
去小兒科予醫生唸講這幾日哪會無來回診？
雖然是過敏嗽，但是肺管愈縮，毋知敢有感染著。
這个醫生閣緩一種藥仔，叮講愛認真食，愛照起工。
轉來佇隔壁自助餐店買寡便菜轉去，太太順紲包一個便當。
轉去，佮阿爸阿母做伙先共昨昏的凊菜先熥熥食食咧，買的菜大部分攏留佇暗頓才食。
過晝了，我開始幫阿母款二樓，攏是阿爸的物件，阿爸悿先去睏。
我嘛是共無愛的先擲掉，佮排排咧準煞。
下晡囝仔落樓看電視，用電視騙囝仔上好，我才會當專心款內底。
共厝尾頂的糞埽摜落來，等暗時糞埽車來才做伙擲。
阿姐姐夫欲來，來一下仔，佮去予電話叫轉去
因為阿姐伊大家伊擲吵欲電頭毛，毋過阿姐講昨昏電過矣，可能是老人呆的款
愛先轉去共安搭。
雨攏落規日。
暗頭仔太太講欲去納電話錢，阮做伙去，
予囡仔家己舉雨傘。
轉來太太和囡仔愈去食好食彼間，有蔥油餅
我家己先轉來，拍一下仔電動，
太太敲電話來，較我開車載少爺，伊食甲睏去，真古錐
轉去食，報囡仔上樓睏，才落去食飯
阿兄怪我無通佮去自助餐買，驚無衛生，伊攏無夾
我會買是因為伊講下晡愈清灶跤，叫阿母袂當煮飯。
結果伊也無清
食飯飽總算共一般糞埽攏提去擲。存回收閣愛等。
太太落來講囡仔已經醒矣，講欲食俗胖告果醬
我欲起去放屎，囝仔煞當咧坐便所
我放了佮共伊洗身軀了，入去陪伊耍
太太提伊以早紮來物件予耍
結果囝仔已經袂啥會矣
等我欲共伊講，伊就開始呸面烏白來。
我受氣起來就規氣無愛插伊
伊看我無愛插伊，就開始賴佇塗跤
太太講伊應該是食藥仔悿愛睏啦

但是囝仔上大的問題是，
1.愛甲摮
2.袂專心
3.無耐性
這是昨昏耍這款物件所表現出來的狀況
伊一直想欲知影答案，無想欲思考解決的方法
我嘛傷摮受氣，應該徛佇囡仔的立場去想去體會才著。
囝仔自從開始迷電視了，就無愛用頭殼。
我嘛是，愈食老就愈無耐性矣。
位對囡仔的互動，嘛是了解家已開始的方法。
我愛較注意咧。

標籤:

瀏覽次數:227 人氣指數:227 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：