2023.4.29-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,546,371 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.4.27 《前一篇

後一篇》 2023.04.30

回應

給他日記貼紙

給他愛的鼓勵

檢舉

篇名: 2023.4.29
作者: C	日期: 2023.04.29　　天氣: 　心情:

今仔日是四月二九禮拜六，我佇葛雷多摸非。生日快樂。
昨昏透早來到辦公室，楊董共我講，蔡董已經買咖啡佮雞卵糕囥佇我桌頂矣。
誠感謝伊有心。
結果接著一通電話，叫我先去廠裡鬥相共。
彼廠的負責人對產品誠感冒，已經歇睏三工。今仔日復工，結過先叫我鎮殿。
我誠久無按呢，嗎是擋硬去。舞規節。
中晝伊佮叫我去廠裡食飯鬥看。
結果真正是...食飯時陣猶好，愈歇睏時，產品開始反相。
先是潑水事件，第七號產品的性質誠歹，攏叫是伊上著，捌人攏袂當共礙著。
第14號產品提牌仔耍，同事欲收，煞去予咬著手。
無捌遐無閒過。我喝甲規个嚨喉攏痛起來。

.............

江湖上，聖劍會的成立開始佇武林引起一場風波。
當今盟主，四大門派佮七幫會，原本針對地下烏旗會的對決，開始了有本質上的改變。
代誌是按呢....
烏旗會以烏函針對呂大俠的攻擊開始。
為著維護武林的秩序，盟主原該號令各門派團結，抵制烏暗勢力。
但是盟主老邁，各門派山頭紛紛自立。少年掌門人只想欲發展自家勢力，並無法度有效控制局勢。
老盟主秉持以和為貴，想欲創造武林共榮的局面，要求各門派只要做好宣傳，一定會用威嚇，將烏暗勢力壓制。
代誌並毋是憨人所想按呢。
江湖上人人自危，紛紛加入聖劍會，認為聖劍會會當維持江湖群俠的福祉。
呂大俠雖然名聲狼藉，但猶原不施為一條好漢。
放眼當今武林，會當有效抵制烏暗勢力的，伊算是頭人。
但是鋪天蓋地的攻擊，嘛予呂仙感覺無力，甚至武林大會被逼愛召開公審。
這對江湖武林的名聲，絕對是一種傷害。
武林群俠為著聲援呂仙，決定用聖劍會名義維護尊嚴。
聖劍會主持老頑童知影了，開始感覺市場欲來愈大，決定擴大聖劍會勢力。
偏偏這个時陣，四大門派中，有一个背骨仙內奸開始爆料。
這拄好予聖劍會一个試劍的機會。
老盟主原本以為照家己希望，培養接班人，予華山派少年掌門人順力接位。
但是內奸背骨仙因為看袂慣王掌門人少年得志，決定位伊背後揬一刀。
利用聖劍會，開始伊的一石兩鳥之計。
一方面讓老盟主跛腳，一方面阻止華山派上位。

原本欲對付烏旗會主要力量是衡山派，衡山派轄下六幫應該是主要穩定江湖的力量
但是掌門人並無武功較厲害的徒弟，只有表面上應付，實際上攏愛个地方幫派自立自強。
甚至烏旗會上猖狂的所在，衡山派甚至會向烏旗會妥協，翻頭誣陷地方幫主。
泰山派嘛是。轄下只有一幫，但是只要烏旗令一到，掌門人隨要求逐家愛配合。
上有能力的恆山派，因為離中原較遠，雖然德高望重，但是暫時猶是徛懸山看馬相踢。
就是這呢無能的武林，予中原群俠不知所措，毋但烏暗勢力任憑猖狂，連聖劍會嘛來擾亂一池春水。
平靜的武林，從此腥風血雨矣。

這馬的武林，毋是以早的武林。前一批大俠紛紛離世了，再無一个大俠級的會當振興武林。
這是時代的必然。
這位老盟主因為私心，貪戀著盟主地位，當年硬將一位大俠擋住門口，
煞予整個武林倒退十年。
這是武林界眾人知的公開的祕密。
身為武林一份子，看袂慣腥風血雨，嘛看袂慣笑裡藏刀，勾心鬥角。
但是又能如何？盡力維護地方平靜，相忘江湖，安享晚年就會使矣。

標籤:

瀏覽次數:178 人氣指數:178 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：