2024.7.22-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,546,371 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.7.20 《前一篇

後一篇》 2024.8.6

回應

給他日記貼紙

給他愛的鼓勵

檢舉

篇名: 2024.7.22
作者: C	日期: 2024.07.22　　天氣: 　心情:

今仔日是七月二二，禮拜一。我佇史提摸非。
昨昏大冤家矣。
昨昏早仔，太太佮囡仔去看電影。我嘛來史提遮摸非。
下晡轉來太太一直想欲閣出去。阮就做伙去家樂福。
囡仔吵欲去食IKEA的點心，閣欲去新厝。
因為臨時，我無紮電腦，太太嘛無紮衫仔褲，就愛先轉去提。
結果為著牛肉愛提入去冰，太太講驚予厝裡的人看著，會問東問西，
我講厝裡的人袂管遐濟，物件小借囥一下袂按怎。
結果就開始矣。
我感覺伊攏看厝裡的人袂起，連明仔日聚餐攏無愛去。
凡事攏家己想家己著，因為長期無佮厝裡的人做伙食飯，就家己烏白想東想西。
歸到底，就是對我無信任。
一心干焦欲去新厝，我佮囡仔嘛攏愛綴伊去，予伊控制牢，伊才會甘願。
結果重要的代誌攏無欲做。
我一欲替伊做，伊就隨歹轉來。
譬如社區管理費，我因為上班走袂開跤，麻煩伊處理，去銀行開口座，
結果這馬猶欠三個月無納。我叮講愛趕緊，伊就怪管理室的收費無方便。
我欲先去繳，伊就講轉數會家予銀行扣手續費。
上大的問題嘛是囡仔的管教。
伊一直感覺囡仔猶細漢紅嬰仔時，伊一下班轉來共囡仔囥佇囡仔床佮逐家做伙看電視，
伊一个人佇灶跤舞規晡無公平，
所以伊無愛佇厝裡食，甘願家己取囡仔佇外口食。就毋免做工課矣。
閣怪厝裡阿爸阿母大細心，攏較惜阿妹的兩个囡仔。
以早啥物好空的攏先予伊兩个，等兩个無愛食才輪到囡仔。

囡仔佮老師的聯絡攏是靠伊。毋過伊最近攏迷看手機仔。
若有重要的代誌嘛攏無記起來，毋時間觀念，我嘛攏毋知，
結果就定定袂記東袂記西，等過期才無彩。
像囡仔歇熱的活動嘛是，伊干焦想欲出去耍，結果活動攏積積做一伙，閣愛調課喬時間。
做代誌攏無計畫，
管囡仔毋是傷嚴，是歹。無予囡仔一個空間。
常常罵囡仔時，牽拖對別位去。我閣毋敢出聲，無就和我做伙罵落去，閣講以後攏我來教。
我毋是無愛教，只是方式無仝款，伊就講我倖囡仔，阮兜的人攏倖囡仔，所以囡仔才會這歹教。
伊攏毋知，囡仔對伊咧罵的時，已經攏無咧聽矣。
因為講一大堆，囡仔毋知欲聽佗一句，就規氣無愛矣。
囡仔一無愛聽，伊就開始用摃的出氣。

標籤:

瀏覽次數:128 人氣指數:208 累積鼓勵:4

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：