2010.12.23禮拜四-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,546,371 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2010.12.22禮拜三《前一篇

後一篇》 2010.12.24禮拜五

回應

給他日記貼紙

給他愛的鼓勵

檢舉

篇名: 2010.12.23禮拜四
作者: C	日期: 2010.12.23　　天氣: 　心情:

今仔日十二月二十三，禮拜四，
透早晚晚才起，差一點就未赴。
歸日心肝頭悶悶，人無偌爽快。
看著有人提昨日的蘋果作球損，不免想著自己是不是也會按爾?

這幾日身體親像有淡薄仔變化
自起先腰脊骨疼，過來嘴齒疼，嘴臭，火氣大，
不時陣會嘴焦。飲較冰冷的茶就擋未著。
無牙已經足悲哀，何況是存無幾支的嘴齒擱會疼
實在予人感覺這款人生不知欲按怎活？

應該是無照起工飲咖啡啦？我想。
所以暗時因為暗頓食傷飽，出去行行咧，
點兩杯咖啡，因為第一杯三十五，第二杯才十塊。
接著一通電話，原來是早時損果子彼位，厝內面人掛來｢嗚嚕賽｣。

今仔日重點是咖啡店。
彼間重裝潢過。前一站仔曾經來過，今仔日親像換頭家。
頭家看我點咖啡，真熱情介紹伊的咖啡，講：
｢你敢來過？無共款喔，現在這比以早較好。｣
｢我的機器台仔攏重洗過，豆仔嘛換新的。｣
｢以前在做的機器攏無洗清氣，豆仔焙較久，味嘛較雜，我無共款，手路較幼。｣
續落，斟一杯予我，講｢你看！｣
果然，以早無幼綿的泡仔，味嘛較薄，較止嘴焦。
這杯味較厚較純，色澤嘛較幼膩。
手路真正較幼較工夫。

我坐落來就在想：
我也是像一間咖啡店共款。
若無專業，就只有賺外行人食止水焦的錢，
若會轉型重裝潢，嘛會使像這間共款，吸引更加濟的人來消費。
留擱較濟的人客會著。
我不是食咖啡的專家，但是真濟會曉食咖啡的專業人士，應該會常來。
在我的頭路內底，啥物是我的機器該洗？啥物是我的豆仔該重買、重焙？
我的手路欲按怎擱較幼？欲按怎重裝潢？欲按怎留人客會著？

對面是彼間我以早常去坐的咖啡店
以早會去坐，是因為有插電，會使上網，
現在無去也是因為未使插電，也是因為我無欲擱用電腦的關係。

現在這間雖然我無一定會常擱去，但是予我的感覺真深。
物件俗擱有局，擱會使予我想著自己的不足。

轉去到厝，彼位泛藍人士掛電話來關心，問我當時娶某。
想想咧，等我｢咖啡廳重新裝潢了吧｣！

標籤:

瀏覽次數:258 人氣指數:878 累積鼓勵:31

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：